संपूर्ण कर्जमाफी आणि शेतमालास उत्पादन खर्चासह 50 टक्के हमीभावासह विविध मागण्यांसाठी गेल्या वर्षी शेतकऱ्यांनी राज्यात संप पुकारला होता. यासंदर्भात सरकारने दिलेल्या आश्वासनांची वर्षभरानंतरही पूर्तता न झाल्याने राष्ट्रीय किसान महासंघ, किसान क्रांती जनआंदोलन, आणि किसान एकता मंचाने आजपासून दहा दिवसांचा संप पुकारला आहे. सरकारने शेतकऱ्यांच्या मागण्या तातडीने मान्य कराव्यात यासाठी हा संप पुकारण्यात आला आहे. 'महाराष्ट्र टाइम्स 'ने यासंदर्भात बातमी दिली आहे. अॅड. कमल सावंत, प्रदीप बिलोरे, मकरंद जुनावणे आणि लक्ष्मण वंगे यांनी पत्रकार परिषदेत माहिती दिली.